Commons:Dateitype
Mr akzeptiere uff de Allmänd numme bstimmti Dateitype. Des ßin:
- SVG, PNG, JPEG und GIF, XCF, (GIMP) und TIFF für Bilder
- Ogg (mit FLAC, Speex oder Vorbis Codecs) oder MIDI (mit de Ändig
.mid) für Musik und Ogg (mit em Theora-Codecs) für Filmli. - PDF für "Rich Text"-Dokumänt
- E baar andero OpenOffice.org-1.x-Format: SXW (Tekscht), SXI (Slides), SXC (Tabällekalkulation)
Dateiformat, wo nit uff derre Liste stönn, mien vor em Uffelade konvertiert werre. TIFF wird wohrschints in nöchster Zit understützt werre.
Lange Tekscht in Dokumänt ghört aber nit uff d Allmänd, sondern uff d Wikisource oder uff Wikibooks. Lüeg au de Projäktrahme für witeri Informatione über Inhalt, wo uff de Allmänd akzeptiert werre.
Bilder[edit]
S PNG isch e verlustfreis Format, wyl d Bildqualität bim Speichere erhalte blibt. JPG degege isch verlustbehaftet. JPG-Bilder ßin ehner für Fotografye geignet; PNGs ßin besser für Zeichnige oder Diagramm; GIFs sotte numme für bewegti Bilder ("animierti GIFs") verwändet werre, do mit PNG weniger Speicherblatz brucht und einewäg e besseri Qualität erreicht wird.
BMP isch uff de Allmänd nit erlaubt. Es cha verlustfrei in PNG konvertiert werre; dodurch wird meistens au weniger Speicherblatz defür brucht.
Leider git's bi de dynamische Skalierig vo de Bilder bstimmti Yschränkige. Im Momänt werre Thumbnails im glyche Format wie s Ursprungsbild generiert und hän immer 24-Bit-Farbtiefi, falls es Ursprungsbild nit im GIF-Format git. Bi de GIFs hät s Thumbnail 256 Farbe, wo di maximali Azahl isch, wo s GIF-Format ermögligt. In de Praxis bedütet säll, dass d Verchleinerig vo PNG-Bilder, aber au vo GIF-Animatione großi Dateie erzüge cha, selbscht wenn d Ursprungsdatei e kompakti indizierti Farbpalätte verwändet.
Don[edit]
S MP3-Format isch nit erlaubt. MP3s sotte in s freië Format Ogg Vorbis konvertiert werre.
